زۆر بە کورتى: مەرجەكانی پۆشاكی ئافرەتی موسڵمان

خوشكی خۆم ...ئەو بەرگ و پۆشاكەی لەبەری دەكەیت پێویستە چەند خاڵێكی تێدا ڕەچاو بكەیت و چەند مەرجێكی تێدا بێتە دی (وەك زانایان بە درێژی باسیان لێوە كردووە), نەك بە شێوەی  مۆدێك –وەك لای هەندێك ئافرەت باوە- تەنها لەچكێك لەسەر دەكات كە نیوەی سەری داپۆشیوەو بەرگ وپۆشاكی لاشەشی لە بەرگی موسڵمان ناچێت. جا ئەو مەرجانەش ئەمانەن:

1- دەبێت سەراپای جەستەی داپۆشێت جگە لە دەم وچاوو هەردوو دەستەكانی تا  مەچەكەكان.

2- نابێت پۆشاكەكە زریق و بریق و سەرنج ڕاكێش بێت.

3- نابێت ئەو پۆشاكە تەنك بێت و پێستی لێوە بەدەر بكەوێت.

4- نابێت تەسك بێت و قەبارەو شێوەی لاشەی دیار بخات.

5- نابێت ئەو پۆشاكە لە هی پیاوان بچێت, چ جای ئەوەی بەرگی پیاو بێت.

6- نابێت لە هی كافران بچێت.

7-نابێت شۆرەتی پێ‌ دەربكات ئەوەندە گرانبەها بێت.