تا كه‌شتییه‌كه‌مان غه‌رق نه‌بووه!!!!
عن سهل بن سعد أن رسول الله (صلى الله علیه وسلم ) قال: ( سیكون فی أ‌خر الزمان خسف و قذف و مسخ, قیل: ومتی ذلك یارسول الله ؟ قال: اذا أظهرت المعازف, والقینات). روی ابن ماجه فی سننه طرفا من اوله2/1350 والطبرانی وغیره وقال الا‌لبانی صحیح. انظر صحیح الجامع الصغیر (3559)3/216.
واته: له ئاخر زه‌ماندا دیارده‌ی رۆچوونی زه‌وی‌و به‌ردباران كردن له ئاسمانه‌وه‌و گۆڕینی شێوه‌ی مرۆڤه‌كان بۆ ئاژه‌ڵ ڕوو ئه‌دات, وتیان: ئه‌مه كه‌ی روو ده‌دات ئه‌ی پێغه‌مبه‌ری خوا(صلى الله علیه وسلم )؟ فه‌رمووی: ئه‌و كاته‌ی ئامێره‌كانی مۆسیقاو ئافره‌تانی گۆرانی بێژ ده‌ركه‌وتن.
هیچ زه‌مه‌نێكی ڕابوردوو به ئه‌ندازه‌ی ئه‌م سه‌رده‌مه ئامێره‌كانی سه‌رگه‌رم كردن و ڕابواردن و غافڵاندن و خه‌ڵكی له یادی خوا دوورخستنه‌وه زیادی نه‌كردووه, هیچ زه‌مه‌نێك ئه‌مه‌نده‌ی ئێستا پێشبڕكێ نه‌كراوه بۆ تاقی كردنه‌وه‌ی ده‌نگی كوڕان و كچان بۆ گومڕاكردن و ئیغراكردن, ئه‌وه‌نده‌ی ئێستا كچانی گۆرانی بێژی بێ شه‌رم له‌م میلله‌ته‌دا راست نه‌بونه‌ته‌وه, هه‌رگیز نمونه‌ی له‌و جۆره‌و به‌و لێشاوه له زه‌مه‌نه‌كانی پێشوودا نه‌بوون, له‌وه‌ش سه‌یرتر چه‌ندان كۆمه‌ڵی ئیسلامیش له جیهاندا حوكمی حه‌ڵاڵكردنی ده‌كردووه‌و گڵۆپی سه‌وزی بۆ ئه‌نجامدانی داگیرساندووه!!! ئه‌مه‌ش ڕاستگۆیی پێغه‌مبه‌ری خوا(صلی الله علیه وسلم) ده‌رده‌خات چونكه هه‌واڵی داوه به ڕوودانی ئه‌م دیارده‌یه, به‌ڵام ئه‌وه‌ی كه جێگای ئازارو راچه‌مینه ئه‌وه‌یه پَێغه‌مبه‌ری خوا(صلی الله علیه وسلم) باسی له سزای دونیایی ئه‌و تاوانانه‌ش كردووه كه بڵاوده‌بنه‌وه كه بریتییه له گۆڕینی شێوه‌ی خه‌ڵكی بۆ سه‌ر گیانله‌به‌رانی مه‌یمون و به‌راز, یان ته‌بیعه‌تی خه‌ڵك چوونه سه‌ر ئه‌و ته‌بیعه‌ته ئاژه‌ڵیو دوور له مرۆڤانه‌یه, هه‌روه‌ها به‌رد بارین و رۆچوونی زه‌وی كه بۆ چه‌ندین جار له هۆكاره‌كانی راگه‌یاندنه‌وه بیستمان و بینیمان له زۆر شوێنی ئه‌م زه‌مینه فراوانه‌دا روویداو له زۆر یانه‌ی شه‌وانه‌و هۆڵی سه‌مادا بینیمان چۆن سه‌راپا ئه‌و جێگایانه رۆچوون و سه‌راپایان له‌ناوچوون, جا لێره‌دا هه‌قی خۆمانه ئه‌گه‌ر دڵمان گه‌رم ببێت و به سۆزو ئازاره‌وه بڵێین: هۆ میلله‌ت ئیتر به‌سه تا كه‌شتییه‌كه غه‌رق نه‌بووه ده‌ست هه‌ڵگرن و بگه‌ڕێنه‌وه..بگه‌ڕێنه‌وه پێش ئه‌وه‌ی كاتێك بێت گه‌ڕانه‌وه‌تان سوودی نه‌بێت. 
ليست هناك تعليقات: