عاشوراء....ڕۆژى ڕزگار بوونى خواناسان و تیاچوونى ملهوڕان بوو...

عَنِ ابْنِ عَبَّاسٍ - رضى الله عنهما - أَنَّ رَسُولَ اللَّهِ -صلى الله عليه وسلم- قَدِمَ الْمَدِينَةَ فَوَجَدَ الْيَهُودَ صِيَامًا يَوْمَ عَاشُورَاءَ فَقَالَ لَهُمْ رَسُولُ اللَّهِ -صلى الله عليه وسلم-: « مَا هَذَا الْيَوْمُ الَّذِى تَصُومُونَهُ ». فَقَالُوا: هَذَا يَوْمٌ عَظِيمٌ أَنْجَى اللَّهُ فِيهِ مُوسَى وَقَوْمَهُ وَغَرَّقَ فِرْعَوْنَ وَقَوْمَهُ فَصَامَهُ مُوسَى شُكْرًا فَنَحْنُ نَصُومُهُ. فَقَالَ رَسُولُ اللَّهِ -صلى الله عليه وسلم-: « فَنَحْنُ أَحَقُّ وَأَوْلَى بِمُوسَى مِنْكُمْ ». فَصَامَهُ رَسُولُ اللَّهِ -صلى الله عليه وسلم- وَأَمَرَ بِصِيَامِهِ./ أخرجه مسلم(1130) واللفظ له, و البخاري(1900) و (3216) و (3727) و (4403) و (4460).

واتە: کاتێ پێغەمبەرى خوا(صلى الله علیه وسلم) هاتە شارى مەدینە بینى جولەکەکان لە ڕۆژى عاشورادا بەڕۆژوون, پرسیارى لێ کردن: ئەم ڕۆژە چییە کە تیایدا بەڕۆژوو دەبن؟ ووتیان: ئەم ڕۆژە ڕۆژێکى ڕێزدارو گەورەیە, تیایدا خواى گەورە موساو گەلەکەى ڕزگار کرد و فیرعەون و دارودەستەکەى لەناوبرد و خنکاندنى, هەر بۆیە موسا(علیه السلام) تیایدا بەڕؤژوو بووەو ئێمەش بەڕۆژوو دەبین. پێغەمبەرى خوا(صلى الله علیه وسلم) فەرمووى: ئێمە شیاوترو لەپێشترین بە موسا لە ئێوە, هەر بۆیە پێغەمبەرى خوا(صلى الله علیه وسلم) تیایدا بەڕۆژوو بوو وە فەرمانى کرد بە ڕۆژوو بوون تیایدا..