تەرەفی سێ یەم هەمیشە کێشەیان دروست کردوە بۆ ژن و مێرد!.

ئەم ووتانە ئامۆژگاریم بوە بۆ خێزانێکی سەرەتا لەپاش مارەبڕینی کچ و کوڕێك لەیەکتری!.
خێزان کاتێك لێك هەڵدەوەشێت کە کەسی سێ یەم بێتە نێوانیان، ئەوکات لەجیاتی چارەسەری کێشەکانیان جیابونەوە دەبێتە بەشی ئەو خێزانە!.

هەرکاتێك ژن و مێردێك کێشەیەکی بچوکیان هەبو،کەسیان ملیان بۆ ئەوی تریان نەداو ، تەنازولیان نەکرد بۆ یەکتری و باسیان کرد لای یەکێك لەنزیکەکانی خۆیان ئەوە ئیتر گەر زوو فریای خۆیان نەکەون شیرازەی ئەو خێزانە بەرەوهەڵوەشاندنەوە دەڕوات!.بەتایبەتی ئەگەر ئەوکەسەی کێشەکەی لا باس دەکرێت لەجیاتی ئامۆژگاری ڕێگەی خراپ پیشانی ئەم ژن و مێردە بدات، بۆیە بەڕاستی هەمیشە تەرەفی سێ یەم گەر نزیکی کچەکە بوبێت ئەوە پشتگیری کچەکەی کردوە، وەیان بەپێچەوانەوە گەرنزیکی کوڕەکە بێت ئەوە پشتگیری کوڕەکەیان کردوەو، سەرەنجامیش ئەو خێزانە لێك ترازاوەو بەجیابونەوە کۆتایی بەژیانی ئەم ژن و مێردە هاتوە، لەکاتێکدا دڵیشیان بۆ لای یەك لێی داوە!.بەڵام ئەم خێزانە خۆیان بونەتە هۆکاری گەورە کردنی کێشەکەیان و دواتریشدەبێت پابەندی هەر بڕیارێك بن کە کەسوکار دەری دەکات لەسەریان!.بۆیە ئامۆژگاریم بۆسەرجەم برایان و خوشکانی بەڕێزم ئەوەیە کەوا دەبێت لەژیانی هاوسەریتاندا ئارام بگرن لەسەر ئازاری یەکتری و نهێنیەکانتان و کێشەکانتان کەسی سێ یەم پێی نەزانێت ، بەڵکو تا دەتوانن لە نێو خۆتانداچارەسەری بۆ بدۆزنەوەو چاوپۆشی لەهەڵەی یەکتری بکەن و لەسەر هەندێك حەزوئارەزوتان تەنازول بکەن بۆ یەکتری!.ئەوەش چاك بزانن هیچ خێزانێك بێ کێشە نابێت و نەش بوە هەرگیزاو هەرگیز، وە زۆرجاریش هەندێك لە کێشەکان خۆشەویستی گەرم و گوڕو دووبارە دەکاتەوە،بەتایبەتی لەوکاتەی ژنەکە یان پیاوەکە دەڕۆنەوە بۆ لای یەك و دەست دەکەنەوە ملی یەك و لاپەڕەی تازە هەڵدەدەنەوەو ، ئەو دابڕانە کورتە فێریئەوەیان دەکات کەوا چۆن هەنگاوی داهاتویان بنێن!.چونکە دواتر لەجیاتی بچوك کردنەوەی کێشەکانتان و چارەسەر کردنی کێشەکانتان گەورەتر دەبێت و دابڕانی هەمیشەیش ڕودەدات لە نێوانتاندا!.

نوسینی: باوکی ئەسماء